WALANG ITITIRA PART I: MAY TUNAY KA BANG KAIBIGAN?

 

pics from http://www.funzug.com 

Kasabay ng bagong tema ng aking blog BERLOG’S WORLD: BETTER THAN LIFE at bagon theme sa blog. Bubuksan ko ang aking sarili para sa mga tao dito sa blogosperyo…

Ibubuhos ko na lahat ng gusto kong sabihin. Ilalathala ko na lahat ng mga salitang gusto kong ilabas. Wala akong ititira. Wala akong itatago.

Sa artikulo kong ito gusto isiwalat lahat ng mga saloobin ko sa mga bagay-bagay. Mga hinanakit ko sa mundo. Mga bagay na hilig ko. Mga bagay kung saan ako napapangiti at napapasaya.

Alam ko maraming magkokomento, maraming magagalit at magtatampo lalot na yung mga kaibigan ko. Malamang sa malamang.

Hindi ko sinulat ang posteng ito upang makasakit ng mga kaibigan ko bagkos gusto ko lang mulatin ang isipan nila, ikaw at ako sa mga tunay na nangyayari sa isang magkaibigan….

Simulan na natin…

Sa tinagal tagal ko na dito sa mundo parang wala akong masasabing tunay na kaibigan. Kahit na marami akong kaibigan. Iba kasi yung tipong kilala ka sa loob at labas. Matagal na akong naghahanap ng tunay na kaibigan sa katunayan may dalawang “besfren” ako. Isang babae at isang lalaki pero aminado ako di pa nila ako kilala.Kasi nga di pa din nila kilala ang parents ko at di ko din kilala parents nila. Gusto ko kasi yung tipo na kahit labas pasok ako sa bahay nila ok lang kasi kilala nila ako at parang yung tipong parte ka na rin ng buhay nila. Para kasi sa akin ang tunay na kaibigan sa lungkot at saya karamay mo siya.Siguro nagtanong ka no? Bakit sila ang besfren ko pero di ko pa din sila tinuturing na tunay na kaibagan . Malay ko ba di ba kung totoo ba talaga sila at hanggang sa huli?

Meron din akong dalawang tropa sa bulacan na masasabi kong kahit papaano kasangga at karamay ko pero di ko pa din masasabi kung tunay ko talaga silang kaibigan kahit na kilala na sila ng magulang ko at ganun din naman ako sa kanila. Marami pa kasi silang di alam sa buhay ko. Kumbaga may ibang parte ng buhay ko na di nila alam.Pero kung titignan ko sila yung medyo malapit na sa katotohan.

Di naman ako naghahanap ng perpektong kaibigan kasi sa totoo lang di naman ako mapili sa kaibigan. Di ba nga sabi ko kanina madami akong kaibigan pero kadalasan sa kanila ay nakilala ko lang, nakakwentuhan, lagi mong nakikita sa simbahan, pero halos karamihan sa kaibagan ko ay prang kakilala lang. Para sa akin kasi iba yung kakilala sa kaibigan. Pagkakilala mo lang kasi yung tao may parte ka ng buhay niya alam mo; Pangalan, address at iba pa pero pag kaibigan yan yung tipong kasama mo lagi, kakwentuhan at kadamay mo sa lahat pero di mo pa din masasabing tunay na kaibigan. Alam mo kung bakit? Kasi ganito yun.

Para sa akin ang tunay na kaibigan ay yung tipo ng hindi mo alintana kahit gamitin mo yung kutsara niya pag makikiagaw ka ng pagkain sa kanya, makiinom sa baso niya kahit gamit niya na ito at kahit umutot ka sa harap niya pagkatapos mabusog ay ayos lang pero syempre mahiya ka naman di naman magandang asal yun.

O di kaya makikigamit ng mga bagay na personal sa kanya tulad ng short at damit, huwag na brief kasi mahiya ka naman pati pa ba naman yun hihiramin mo pero siguro pwede din mangyari yun o siguro boxer short nalang ang hiramin mo kung saka sakali.

Yung tipo na di kayo mahihiyang magkatabi sa pagtulog pag nasa bahay niyo siya o kaya ay nasa bahay ka nila kasi nga  tunay kayong magkaibigan. Na halos parang magkapatid na kayo at inuluwal sa iisang nanay.

Meron pa masasabi ko lang na tunay kong kaibigan ang isang tao kung kaya niyang ibuwis ang buhay niya para sa akin. Matanong nga kita kaya mo ba? Ako dati aminado ako di ko kaya pero ngayon ayos lang sakin na mamatay para sa kaibigan ko mapatunayan ko lang na tunay akong kaibigan sa kanya.

Di lang yan ang basehan marammi pang iba depende kasi yan sa tao basta ako isa yang mga yan sa basehan ko.

Medyo mahaba na ito. May susunod pa… hintayin niyo nalang…. Ngayon siguro napatanong ka? Napaisip at napakamot sa ulo… Inisa isa mong isipin ang masasabi mong tunay na kaibigan… Ang tanong meron ka bang nakita at masasabi mo si ganito ay tunay kong kaibigan?

Kilala mo ba talaga ang kaibigan mo at kilala ka nila? Masasabi mo kayang tunay mo siyang kaibigan at tunay kang kaibigan sa kanya o baka naman isa sila sa mga taong  iiwan ka din tulad ng karamihan o di naman kaya ikaw ang mangiiwan…

Iiwan ko yang mga tanong na iyan sa inyo kasi kahit ako tumitingin pa ako sa mga taong nasa paligid ko ngayon na masasabi kong tunay na kaibigan. Di lang ung besfren dahil nakasama mo ng sa iskul ng matagal o kaibigan na nakasama mo sa kalokohan at kasiyahan.