Sa paglalakwatsa ko sa totoong mundo dito ko nakasalimuha ang isang nilalang na sobrang tahimik at laging gustong mapag-isa. Di ko na babanggitin ang pangalanan niya sa dahilang baka magalit pa lalo siya sa akin. Matagal na akong bloggero. 2007 ata ng una kong halughugin ang kuta ng mundong ito. Siguro kilala niyo ang bloggerong si Fjords at ang blog niyang HIRAYA. Sa kanya ko unang nakilala ang mundo ito pero nagsimula ako sa mundo ng BLOGGER.COM. Doon ko unang inilimbag ang mga laman ng utak kong sobrang likot. Doon ko binato ang unang mga kataga na nabuo sa isip ko. Pero iniwan ko iyon upang makisalamuha sa bagong mundo at ito ang WORDPRESS.
Mabalik tayo doon sa taong unang naging dahilan bakit nabuo ang BERLOG’S WORLD. Sa dahilang gusto ko din makilala siya binuo ko ang mundo ko sa WORDPRESS at iniwan ang mundo sa BLOGGER.COM. Matagal na din akong di nagbloblog at noong araw lang na yun sinubukang magbalik bilang isang bloggero. LIBRE LANG MANGARAP ang kataga ng mundo niya. Sa lungga niya ako unang nagiwan ng komento at unang nakisalamuha sa mundo ng WORDPRESS. Sa lungga niya rin unang nakilala ang dalawang makukulit na bloggero. Si Kuya Pong na sobrang astig magpayo at ang walang kakuspas kupas na si J. Kulisap.
Sa pagsunod ko sa lungga ng dalawang matatanda, este magagaling na bloggerong ito marami din akong nakasalamuha. Nandyan ang kala ko na masungit na si Geylii na di naglaon ay napagtripan kami at nagkaroon na issue. Sina Joyo, Jongskie721, Aninipot, Len at Kayedee na parang mga diwata din sa mundo ng blog. Magaganda at mahilig magiwan ng komento sa lungga. Si Arnie naman na naging kakulitan ko at isa sa pasimuno ng issue sa amin ni GEYLII. Tapos napadaan din sa lungga ni Duking: na siyang salarin kung bakit di kami nanalo kasi sa pangalawang patimpalak ni JKUL siya pa rin ang nanalo. Papaabangan ko nga yan sa kanto para mabawasan ang mga katunggali ko. Biro lang.
Sa mga patimpalak ni MR. LIBRE LANG MANGARAP at ni JKUL, marami na din ang dumaan sa lungga ko na halos ang email ko ay mapuno at umabot na sa anim na libo. Walang halong biro. Dito ko nakilala din si DIONISCIO na taga Bulacan din pala at mahilig magkamot ng BA___. Na halos ang poste ay may halong kalibugan at kakulitan. Pwede nga sila magsama ni Romeo ng Roomboy1987 pero mababait naman sila. Kumbaga sa hayop eh kahit papaano domesticated naman.
Nandyan din si YIN na noong patimpalak sa sobrang tinamad magkomento ay copy at paste ang ginawa. Magpapahuli ba sina livingstain, ಞ badet ಞ, Lambing na parang kabuting susulpot na lang sa poste mo. Dahil sa walang magawa. Naisapan kong maglakwatsa at pumunta kaya naisipan kong magMRT nalang. Kaya sumakay ako at nagpaalon sa dumaragasang tao sa nasabing sakayan.
Bumaba ako sa BONISTATION para saglit lang na umihi. Tapos sumakay uli ako. Sa MOA ko balak sumulat ng mga pitak at tula para maging isang daydream believer na kung saan ay parang nangarap ng gising habang nagiisip ng mga pamagat sa gagawing posteng ito nang biglang may napansin ako sa pader na MACHONG BUTIKI at nasabing “Taragis.com may nakalimutan ata ako”. Laking gulat ko din ng may nakita akong taga-bundok na napadpad sa MRT station upang hanapin ang alagang TIMANGKEY at Jasonhamster.
Habang naglalakad at papunta na ako sa MOA ay may nakita akong PINOY NA PINOY kainan at ang specialty ay Beeftapa. Natuwa naman ako kasi sobra na talaga yung gutom ko. Kaya naisip ko na kumain na doon. Di ako nagkamali at sobrang sarap ng beeftapa nila. Sa pagpunta ko ng MOA may nakita din ako na building at may nakalagay na Dorm Boy: From Men’s Dorm to Real World. Natawa ako kasi tama naman ang nakalagay doon kasi dorm yun at paglabas REAL WORLD nga. Tapos wag ka may nakadikit pang Chevybo: Part time. Ano kayang part time yun? At parang familiar sakin yung name. Ah si CHEVY kung love triangle namin. Ahahah. Makapagapply na nga lang. Kaya imbes gumala ay humanap ng computer shop para gawin ang RESUME ko. Sakto sa isang sulok ng MOA ay nakahilera ang mga shop na ito: raspberryreich, onesoundrum, iamronel.com at sunnystarfish. Naisipan kong doon nalang pumasok sa IAMRONEL.COM. Dali dali kong binuksan ang email ko pero iba ang bumungad sa akin at ito ay ang sangdamukal na updates na mga dinalaw kong blog kaya sabi ko wag na nga lang akong magapply at magbloblog nalang ako. Kaya ayun. Back to blogging.
Kasabay ng pagbabasa ko ng mga librong “AL-KAPON: Ang Bagong kabanata ng buhay ni Alberto Kapondoy”, “JEX: WHO I AM”, “kwentotpaniniwalanihitokiriHOSHI”, “NEIL DALANON: KAPE AT KWENTO”, “Nikka: The Journey”, “Rovic’s Simple Mind”, “The Daily Blah: Stop Talk-Talking That!”,” the odd one out: from the inside looking in”,”The Y Files”, “Ysae: Serv Easy” at “Leemi” ay ang pagbabalik ko sa pagsusulat at paglalathala ng mga akda at mga bagay-bagay na napapanahon at mga bagay na makatotohanan. Parang nasa telebisyon lang noh.
Kaya sa bandang huli makikipagunahan pa din ako kanila salbehe, Sphere, ETCHOSERA at sa ibang mga kakilala kong bloggero sa pag base ng mga bagong poste. Magkokomento, mangaasar, mangungulit at maglalambing sa mga inyo. Kaya sa muli kong pagbabalik humanda na kayo.
Paano nga ba nabuo ang BERLOG’S WORLD? Simple lang. Ito ay nabuo sa dahilang may mga taong dumaan, nakipakulitan, nakiBASE at sumabay sa trip ko at sa alon ng blog ko. Salamat sa inyo.
———————————————————————————————–
Ikaw. Ikaw nga na di naisama sa mga nasa itaas. Di ko man kayo naisama ay parte parin naman kayo ng blog ko. Dalaw lang ng dalaw… At yung bandang huli ginawa ko lang yan di totoo… imahinasyon kumbaga…
Simpleng Inhinyero 