Tag Archives: larawan

PATIMPALAK NG DAMUHAN

 Sa bawat patimpalak sa blogosperyo may tinatawag na kategorya
Maikling kwento, tula o di naman kwentong pambata.
Iisipin mo ngayon san ka nga ba magaling?
Mag-iisip ka kung anong katergorya ang iyong pipiliin.
 
Sabihin na natin ang napili mo ay gumawa ng isang tula
Isang tulang masasabing may sukat at tugma
Naisipan mong gawin ito mula sa kaibuturan ng iyong puso
Pero ang tanong papasa ba ito sa panlasa ng mga kritiko?
 
Kaya sa pagnanasa mong ikaw ay manalo
Nasabi mo sa sarili na sa isang bloggero magpapaturo
Natuon namang si Ginoong JKULISAP ang naisip mo
Kaya dali-dali mong siyang tinawagan para magpaturo.
 
Sabi niya puntahan mo nalang siya sa Pambansang Aklatan ngayon
Hindi mo ito alam kaya sa Google Map ikaw ay nagtanong.
Nalaman mong malapit ito sa KAGAWARAN NG TURISMO.
At saktong bandang LUNETA lang pala ang SILID-AKLATAN na ito.
 
Kaya wala ka nang inaksayang oras at doon ay nagtungo
Pagdating mo doon, isang tagabantay ang sumalubong sayo
Tinatanong ka niya kung ano ang iyong pakay
Kaya sinabi mo na si Ginoong JKULISAP ang iyong pakay.
 
Itinuro ng tagabantay ang lugar na kinalalagyan ng Ginoo
Doon nga siya ay iyong nakita at ika’y dali-daling lumapit dito
Nakita mo na nagbabasa siya ng isang PANITIKANG Pambata
Isang librong may LARAWAN ng isang MALIGNO at isang bata.
 
Sinabi mo sa kanyang gusto mong magpaturong gumawa ng tula
Ngunit isang mapang-asar na ngiti lang ang iyong nakuha
Di mo maintindihan bakit isang ngiti lang sagot niya
Kaya sa sobrang inis mo ay sinigawan mo siya
 
Bigla ka niyang tinignan at nakita mong nanlilisik ang kanyang mata
Parang may isang MALIGNONG sumanib sa kanya
Sa sobrang takot mo kumaripas ka nang takbo palabas.
Di mo namalayan naiwan mo pala ang iyong tsinelas.
 
Wala ka nang nagawa at iniwan mo nalang ito
At Sa Rebulto ng Pambansang BAYANI doon ka nalang muna nagtungo
Habang nakaupo ka sa DAMUHAN ay iniisip mo pa din ang nangyari
At sobrang takot, para kang isang baliw na kinakausap ang sarili.
 
Kaya upang makasiguro, tinawagan mo uli ang ginoo
Sinagot niya ang tawag mo at sinabing kanina pa siya naghihintay sayo.
Tinatanong ka din niya kung nasan ka na?
Sinabi mo nalang na papunta ka palang at nasa biyahe pa.
 
Mas tumindi ang takot mo at biglang nagsabi ng isang kataga:
GALUNGGONG naman, Sino yung nakausap ko kanina?”
Kaya HINUHA mo tuloy, ikaw ay napaglaruan ng mga multo
O di naman kaya naMALIGNO at napagtripan ng mga engkanto.
 
Di mo na alam kung ano ang gagawin mo
Nag-iisip ka ngayon kung itutuloy mo pa ba ang magpaturo
Pero di din nagtagal ay tinawagan mo nalang uli ang ginoo
Napagdesisyonan mo nalang na sa susunod nalang magpaturo.
 
Habang hinihintay mong bumalik ang iyong lakas
Di inaasahang sa himpapawid isang SARANGGOLA ang iyong namalas.
Binigyan ka nito ng kakaibang ngiti at ligaya
Pinalitan din nito ang iyong takot ng pag-asa.
 
Pag-asang magagawa mo pa din ang iyong tula
Pag-asang ang tulang gagawin ay makakahuha ng malaking marka
Pag-asang sa PATIMPALAK ng DAMUHAN, ikaw ang mangunguna
At pag-asang sa muling pagpunta sa Pambansang Aklatan, ika’y di na mumultuhin pa.
 
———————————————————————————————
PAALA-ALA: Ang tulang ito ay kathang-isip lamang at ang mga lugar na nabanggit ay ginamit lamang. Salamat
 
Ito ay bilang suporta at lahok sa BAGSIK NG PANITIKAN ni Bino ng Damuhan.